足球界欢迎您! 设为首页 加入收藏
logo
最近更新
热门关注
随机推荐
当前位置:足球界 >> 行家推介 >> 行家推介 >> 浏览文章
Mic少 二線兵博上位! 德國戰車打爆墨西哥
来源:不详 作者:佚名 日期:2017年06月29日 访问次数: 【字体:
  洲際國家盃繼續喺俄羅斯上演,今晚另1場4強德國對墨西哥,「日耳曼戰車」德國即使以二線兵出戰今屆賽事,亦不失霸氣,小組首名進身4強,兩位前鋒史甸度及迪姆華拿表現驚喜,各有兩球進帳。事實上呢班副選力爭國家隊席位,務求喺明年俄羅斯世盃有得亮相,上得陣必定交足貨;墨西哥小組驚險出線,但開始出現傷停問題,韌力唔及對手,直取1.94倍德國主勝!   (LeSports HK應用程式周五凌晨2時直播)   德國今次點兵雖然缺少前鋒湯馬士梅拿、中場奧斯爾、中堅曉姆斯、謝路美保定及門將紐亞等「慣常人選」,但一班二線兵演出並唔失禮,3場分組賽取得2勝1和,7個入球分別由5位球員攻入,盡顯「日耳曼戰車」擅長整體戰嘅優良傳統,所以切勿低估呢隊「德國B隊」威力。   墨軍傷停嚴重難招架 德國向來人才輩出,陣中不乏優質明日之星,好似新世代翼衞祖拿斯赫達及甘美治攻守兼備,擔起隊長臂章嘅中場達斯拿演出亦日趨成熟,加埋兩位射手史甸度及迪姆華拿腳風亦好順,今晚贏波入決賽,非常合理。   相比德國豐厚資源,墨西哥就顯得相形見絀,經過小組賽後出現傷停耗損,中場主力古亞達度累積夠黃牌,今場要停賽,前鋒查維亞靴南迪斯、兩位後衞迪亞高雷耶斯、赫達摩蘭奴亦有傷在身,就算勉強披甲,發揮相信會受影響。值得一提,墨西哥3場分組賽都係先落後,最終即使能夠逼和葡萄牙,以及反勝新西蘭及俄羅斯,但過程非常艱辛。今仗遇上踢大賽相當老練嘅德國,睇怕墨西哥想招架都有心無力,德國主W真係有買趁早。  
发表评论】【告诉好友】【打印此文】【收藏此文】【关闭窗口
上一篇:工廠仔狼堡發惡噬布倫瑞克
下一篇:最後來料
发表评论

相关文章
 
关于我们 - 联系我们 - 广告服务 - 友情链接 - 网站地图 - 版权声明 -